Dibujo lineala ikasten Erregetxian

Eskola kontuak bukatu eta hamalau urterekin lanian hasten ginan eta biharretik irtenda dibujo lineala ikastera arratsaldeko 6etatik 8etara juaten ginan. Eugenio Artolazabalek eta Herman Oregik udalak ordainduta klasiak ematen zituzten. SAPAko delineante industrialak ziran berauek. Planuak ulertzen eta kroskisak egiten plaentxiar askok ikasi genduan. Lan bikaina egin zuten irakasle fin hauek.

De Soraluze XX. mendean

Bigarren solairuan zeguan gela baten klasiak jasotzen genduzen. Arbela bat geometria erakusteko, mahai batzuk marrazteko eta egurrezko modelo mota asko zeuden. Lehenengo hiru bista arkatzakin marrazten genduan eta ondoren maixuaren oniritzia jasota tinta txinakin amaitzen genduan dibujua. Marrazteko materiala geuk jartzen genduan, hau da, eskuadrak, kartaboiak, tiralineak, "papel barba", arkatzak eta tinta txina besteak beste.

Asko ikasi genduan bertan eta tailerrerako beharrezkoa zan guztia ikasi genduan. Egixa esanda eskerrak eman biharrian gaoz aukera hori eman zozkuelako!